عيش كل يوم كأنه آخر يوم ليك

كلنا عايشين في الدنيا دي كأننا ضامنين ان في بكرة ….. بنطنش كل حاجة حلوة بسبب دا  ….

انت لو بصيت لكل حاجة …. كأنها حتبقى آخر مرة تشوفها …. حتقدّر كل حاجة و تلاقي كل حاجة بالنسبالك حتى لو كانت بسيطة …. أغلى من الذهب

لو كان دا فعلاً آخر يوم , كانت أول حاجة هتعملها انك هتاخد كل البتحبهم بالحضن ,حتحس انك ماكنتش مقدّرهم ,حتبص عالناس فالشارع و تقول الناس كلها طيبة بس انا العمري ما لاحظت ,حتبص عالشجر و تقول سبحان الله , هتلاقي وردة شكلها حلو حتشِمها و تقول جميلة حتى لو مالهاش ريحة ,حتقدّر كل الناس حتى لو فيهم كل العيوب , حتصالح كل المخاصِمهم حتى لو هما الغلطانين ,حتمشي في المطر وانت فرحان ,تتبهدل في الطينة و انت مبتسم, مش هيهمك الناس شايفاك ازاي بدل انت مش بتئذي حد ,كل المشاكل تبقى بسيطة جداً و تافهة ……

متزعلش من حدّ علشان حاجة عبيطة

قدّر الناس .. حتى لو ميستحقوش

بص للحاجات الحواليك كأنك طفل صغبر

اضحك من غير سبب

قول لأهلك انك بتحبهم

ماتضيعش دقيقة عالفاضي

مستني ايه ؟؟

لو فكرت في كل يوم انه آخر يوم ليك ….. عمرك ما هتندم