Untitled (for now)

كلنا و احنا صغيرين كان عندنا شبه حاجة كدة مش عارفين نعديها ,حاجة مش عارفين نوصلها ,حاجة مش عالية أوي (مش مستحيلة ) و في نفس الوقت جربت مرة مرتين تلاتة مش عارف توصلها
معظم الحاجات دي في وقت ما من حياتك ياإما بتعديها أو بتعتبرها تافهة و تنساها , بس لو فعلاً جه وقت و عديت التحدي ده بتحس بإحساس تحفة إنجاز عملته ,عقبة تخطيتها بتبقى هتطير من الفرحة

الشهر الي فات كنت في الساحل الشمالي كالعادة ,قعدت لوحدي 3 أسابيع ,منظّم أكلي , كل يوم تمارين و باسكت كان كله تمام ,اللياقة البدنية بتاعتي كانت مظبوطة .المهم مش موضوعنا

أنا كل صيف لازم أنا و السيد الوالد نلعب ماتش باسكت , هو كويس بزيادة لأنه دايماً بيكسبني ,و أنا مع تكرار الموضوع كنت تقبلته خلاص , بس الصيف ده كان مختلف , أنا صحياً بقيت كويس , 21 سنة,و بقالي 3 أسابيع كل يوم بتمرن , قلنا نلعب زي كل سنة ,و بدأنا الماتش ,النقط في الأول كانت قريبة من بعض بعد كدة أنا عليت جامد

بعد ما وصلت لحد معين قلت طب ما أقلل شوية بس لو قللت دي أكتر حاجة محبطة للبيلعب قدامك لأنه أكيد بيلاحظ , فكملت بنفس المقياس و كسبت الماتش ,لما دخلت آخر شوطة أبويا قاللي “كفايا كدة ….. أنا زهقت …..”  و لف و مشى للعربية ,هي ما فيهاش حاجة الجملة, بس النبرة كان فيها شيء من الحزن .

أي حد هايقول “ما أنت كسبت أهو بعد كُل ده .. زعلان من إيه بقى ؟؟”
ما هي دي المشكلة … إني كسبت … يا إما أنا بقيت كويس بزيادة عليه…. أو هو كبر في السن …
في الحالتين ده كان أوحش ماتش ,أو تحدي عديته في حياتي.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s